O'zbekiston Respublikasining Koreya Respublikasidagi elchixonasi

Ўзбекистон Энергетика вазирлиги делегацияси Жанубий Корея энергетика компанияси фаолияти билан танишди

Шу кунларда Ўзбекистон Энергетика вазирлиги делегацияси Жанубий Кореяда ўтказилаётган “Bitgaram International Expo of Electric Power Technology- BIXPO-2022” технологиялари халқаро кўргазмаси ва конференциясида иштирок этиш учун ушбу мамлакатда бўлиб турибди, дея хабар қилмоқда “Дунё” АА мухбири.

Амалий сафар давомида делегация аъзолари Чханвон шаҳридаги йирик “Doosan Enerbility” энергетика компанияси фаолияти билан танишди.

Мазкур компания барча турдаги электр станциялар ва нефть-газ саноати учун энг замонавий энергоқурилмалар ишлаб чиқаради ва уларни ўрнатиш ҳамда хизмат кўрсатиш ишларини амалга оширади.

Учрашув давомида Жанубий Корея компанияси раҳбарияти томонидан сўнгги йилларда Ўзбекистонда энергетика соҳасида амалга оширилаётган кенг кўламли ислоҳотлар юқори баҳоланди.

Маълумот учун айтиб ўтиш керак, BIXPO-2022 кўргазмаси Жанубий Кореянинг Кванжу шаҳрида бўлиб ўтмоқда ва у углерод нейтраллиги ва энергия хавфсизлигига бағишланган.